15 august

aaj 15 august hai
kuch to khas hai
kya hai mai nahi janta
kisi ko batala bhi nahi pa raha par kuch to khas hai
aaj ki subah thodi si alag hai
ek ajeeb si maya ka vaas hai
par kuch to zaroor alag hai,khas hai


kafi log kah rahe ki aisi koi baat nahi
dekha jae to wahi din waisi hi raat hai
agar chutti na hoti to wahi daftar wahi baat hai
par fir bhi kuch alag lag raha hai,
shayad mai nashe me hu
par maine pi nahi hai aur fir bhi kuch khas hai



hawa waisi hi,waisi hi garmi
dhoop ka rang par thoda alag hai
bohot zara sa antar hai
jaise koi jadu mantar hai
jhanda tiranga dekh ke,nazre na chahte hue bhi jati hai udhar
dost yaad aate hai school yaad ata hai
jab assembly hall ya khel ke maidan me
dhwajarohan hota tha
to garmi aur dhoop ke chalte
waha se bhag jane ko man karta tha
fir bhi baithe rahte the,teacher ke dar aur laddoo ke wajah se
ya shayad baat kuch aur thi,aisa lagta tha
ye din zaroor kuch khaas hai
jin dosto ke saath roj baith ke padhte the,aaj unhi ke saath hai par koi nahi kah raha padhne ko
is din me zaroor koi baat hai,zaroor kuch khas hai

aaj akele baitha hu
aur tum kahte ho koi khaas din nahi ye
kya backwas hai!
fir kyun mann udaas hai
man kar raha fir school jau,sab ke saath bheed me baithu,dhoop khau
shikayat karu,is hawa me jo aaj bah rahi hai ekta ki mithas hai
tum andhe behre goonge ho agar tumhe nahi lagta
beshak ye din bohot khas hai.